Канада ғалымдары донорлық қан ойлап тапты

НҰР-СҰЛТАН. ҚазАқпарат - Канаданың Британ Колумбиясы Университетінің ғалымдары донорлық қанды ойлап тапты. Бұл туралы Science журналында жарияланды.

Қан топтарының әрқайсысы қызыл қан жасушаларының қабығындағы қант молекулаларының белгілі мөлшеріне қарай ерекшеленетіні белгілі. Ал бірінші топтағы қанды жұрттың бәріне құюға болады.

Ғалымдар екінші қан тобын әмбебап қанға айналдыру үшін оның антиденелерін алып тастауы қажет болды. Төрт жылға созылған сынақтардың нәтижесінде мамандар адам ішегінен екінші қан тобын әмбебап қан тобына айналдыратын екі фермент шығаратын микроағзаларды тапты. Микроағзалар екінші қан тобынан «артықша» қант молекулаларын алып тастайды.