Калифорниядағы атыс: мерт болғандар саны 9 адамға жетті
Телеарнаның мәліметінше, зардап шеккен адам сәрсенбі күні ауыр халде ауруханаға жеткізілді. Бірақ көп ұзамай көз жұмды.
Сәрсенбі күні жергілікті көлік басқармасының қызметкері Сан-Хоседегі теміржол депосының жанында оқ атқан. Бұған дейін хабарланғандай, атыс салдарынан сегіз адам қаза тапқан, олардың арасында басқарма қызметкерлері де бар. Америкалық БАҚ-тың хабарлауынша, құқық қорғау органдары Сан-Хоседе өзін-өзі өлтірген жанкештінің әрекетінің себептерін анықтау мақсатында тергеу жүргізуде. Бастапқыда полиция қылмыскердің көзін жойғаны туралы хабарланды.
Санта-Клара округі шерифінің орынбасары Расселл Дэвис баспасөз мәслихатында полиция болуы мүмкін жарылғыш құрылғыларды іздеп депо аумағын тексеріп жатқанын айтқан. Олардың біреуі табылды.
Билік оқ атқан адамның аты-жөнін жарияламайды. Алайда, кеше AP агенттігі хабарлағандай, құқық қорғау органдарындағы дереккөздерінің мәліметінше, оқ атқан – 57 жастағы Сэмьюэл Кэссиди. Ол депода 2012 жылдан бері жұмыс істеген. Полиция оның үйін де тінтуде. Опат болғандардың арасында 29 мен 63 жас аралығындағы ер адамдар бар.