Калифорнияда үйдің үстіне ұшақ құлады

НҰР-СҰЛТАН. ҚазАқпарат – Бейсенбі күні Сан-Бернардино округінде (Калифорния штаты) Cirrus SR22 бір моторлы ұшағы үйдің үстіне құлады. Бұл туралы бейсенбі күні KTLA телекомпаниясы өрт сөндіру қызметі департаментінің өкілі Марсело Бланкоға сілтеме жасап хабарлады.

Оның дерегі бойынша, осы оқиғадан кейін ғимаратта өрт басталған. Үйде ер адам мен бала болған, олар аман қалды. Ұшқыштың тағдыры белгісіз.

Алдын ала деректерге сәйкес, бортта жолаушылар болмаған.