Қалдыбай Қазанбаев Алматы қалалық Мәслихатының хатшысы болып  сайланды
2016 жылғы 25 наурыз 13:21

Қалдыбай Қазанбаев Алматы қалалық Мәслихатының хатшысы болып сайланды

АЛМАТЫ. ҚазАқпарат - Алматыда қалалық Мәслихаттың VI шақырылымның алғашқы сессиясы өтті. Жиынға қала әкімі Бауыржан Байбек қатысты.

Шара барысында жаңадан сайланған депутаттарға төсбелгілер мен жеке құжаттар табысталды.

Сондай-ақ, Қалдыбай Қазанбаев Мәслихат хатшысы болып қайта сайланды.

Аумақтық сайлау комиссиясының басшысы Бақытжан Доспанов атап өткендей, депутаттар құрамының орташа жасы 48 болып отыр. Өткен жылғы құрамнан 4 жасқа жасарған.

Мәслихат құрамы 65 пайызға жаңарды.

«Қаламыздың дамуына тың серпін, жаңа идеялар керек. Алғаш рет мәслихатқа үш партия енді. Әйелдер саны жетеу. 8 ұлттың өкілдері енді. 30-ға толмаған екі депутат бар. Алматы жастардың қаласы болған соң, жастардың көп болғанынан қуанамыз», - деді өз сөзінде Б.Байбек.

Қала басшысы халық қалаулыларына Алматыны дамыту үшін әлі көп еңбектену қажеттігін баса жеткізді.

Jańalyqtar

Үрдіс

MURAǴAT