Қаһарман Қысметов грек-рим күресінен әлем чемпионатында қола еншіледі

АСТАНА. ҚазАқпарат - Бухарест қаласында күрестен өтіп жатқан U-23 чемпионатында жастар арасында Азия және әлем чемпионаттарының жүлдегері Қаһарман Қысметов 72 келіге дейінгі салмақ дәрежесінде қола жүлдегер атанды, деп хабарлайды sports.kz.

Беларусь және Болгариядан келген екі қарсыласын жеңген Қаһарман жартылай финалда грузиялық Рамаз Зоидзеден ұтылды. Үшінші орын үшін таласта палуанымыз ресейлік Нарек Оганянды 5:0 есебімен сүріндіріп, турнирдің қола жүлдесін олжалады.