Кәдеге жарату төлемін 14 мамырдан кейін жасағандардың төлемі қайта есептеледі
ҚР Экология, геология және табиғи ресурстар министрлігі кәдеге жарату төлемінің жаңа мөлшерлемелерінің әрекетіне қатысты «Жасыл Даму» АҚ консультациялар өткізілгенін хабарлады.
«ҚР Экология, геология және табиғи ресурстар министрінің міндетін атқарушы 2022 жылғы 29 сәуірдегі №138 бұйрығына сәйкес кәдеге жарату төлемінің ставкалары 50%-ға төмендетілді, осы бұйрық ағымдағы жылғы 14 мамырдан бастап күшіне енді.
14 мамырдан кейін бұрынғы мөлшерлемелер бойынша кәдеге жарату алымын төлеу жүзеге асырылған жағдайда, «Жасыл даму» АҚ қайта есептеу жүргізеді және Қазақстан Республикасының қолданыстағы заңнамасына сәйкес артық төленген соманы қайтару жүзеге асырылады.
Дәйексіз ақпаратқа бой алдырмауларыңызды, күмәнді хаттарға жауап бермеулеріңізді, тек ресми дереккөздердің ақпараттарына назар аударуларыңызды сұраймыз»,-делінген министрліктің хабарламасында.