20:13, 10 Қаңтар 2017 | GMT +6
Кабулдағы екі жарылыстан 21 адам қаза тапты
АСТАНА. ҚазАқпарат - Ауғанстан астанасы Кабулда болған екі жарылыстан кем дегенде 21 адам көз жұмды. Ондаған адам жарақат алды, деп хабарлайды Би-би-си.
Жарылыс ел парламентінің ғимаратының маңында жұмысшылар шығып бара жатқан кезде болған. Зардап шегушілердің көбі азаматтық тұлғалар.
Ел билігі хабарлағандай, бірінші жарылысты қаскүнем өзін-өзі жарып ұйымдастырса, екіншіні - автомобильде жасырылған бомбаның көмегімен жасаған.
Шабуылды «Талибан» содырлары өз жауапкершіліктеріне алды. Қозғалыс өкілдері мәлімдегендей, олардың мақсаттары елдің барлау агенттігі қызметкерлерін құрту болған.