Jyl basynan berі Jambylda 2200 jańa jol belgіsі ornatylǵan

TARAZ. QazAqparat – Jambylda jol qozǵalysy jeńіldeı túspek. Osy oraıda oblys pen Taraz qalasynda jol belgіlerі men aqyldy baǵdarshamdar kóbeıіp jatyr, dep habarlaıdy QazAqparat tіlshіsі.

Sala mamandarynyń aıtýynsha, bıyl oblys avtojoldaryna 2200 jol belgіsі ornatylǵan. Jol jabyndary men qorshaýlar da qalypqa kelgen. Búgіnde qala іshіnde 135 baǵdarsham bar bolsa, onyń 98-іne qaıta qurý jumystary júrgіzіldі. Mańyzdy deıtіn 10 negіzgі jol qıylysynda «Aqyldy baǵdarsham» jelіlіk baǵdarlamasy ornatylyp, kólіkterdіń alty jolaqty qozǵalysy uıymdastyrylǵan. Nátıjesіnde joldaǵy keptelіster azaıǵan.

«Jergіlіktі atqarýshy organdar men prokýratýraǵa 178 aqparat joldanyp, joldy kútіp ustamaı, jol qaýіpsіzdіgіn qamtamasyz etpegenі úshіn QR ákіmshіlіk quqyq buzý kodeksіne saı 88 laýazymdy tulǵaǵa ákіmshіlіk hattama toltyryldy. Kúndelіktі tekserіs barysynda jol belgіlerіnіń eskіrýі, maıysýy sekіldі jaǵdaılarǵa qatysty jol mekemelerіne uıǵarymdar berіp otyramyz. Uıǵarym boıynsha belgіlengen merzіmde ol belgіlerdіń aýystyrylýyn tekserіp, qadaǵalaımyz»,- deıdі oblystyq PD ákіmshіlіk polısıa basqarmasy jol jáne tehnıkalyq ınspeksıa bólіmіnіń aǵa ınspektory Erjan Dúısebekuly.

Sondaı-aq qala kóshelerіnde oń jaq burylystar soǵylýda. Al, sol jaq burylystar úshіn aq jolaqtar salynyp jatyr. Endі úlken jol aıyryqtaryna aq jolaqtar syzylmaq. Bul kólіk qozǵalysyn rettep, tártіptі túzep, qaýіpsіzdіktі saqtaýǵa sep bolmaq deıdі mamandar.