Jibek Joly арнасынан Мұхтар Әуезовтің 125 жылдығына арналған фильм көрсетіледі

None
АСТАНА. ҚазАқпарат – Бүгін қазақ әдебиетінің классигі, ұлы жазушы Мұхтар Әуезовтің туғанына 125 жыл толып отыр. Заңғар жазушының мерейтойына арналған фильм осы сенбі, 1 қазанда Jibek Joly телеарнасынан «Наша история» жобасы аясында көрсетіледі, деп хабарлайды ҚазАқпарат.

«Наша история» жобасы тарихи тұлғаларға, тарихта өшпес із қалдырған қызықты фактілерге арналады. Олардың көбі әдебиеттің, қоғамның, музыканың, мәдениеттің, тарихтың дамуына ерекше үлес қосқан тұлғалар. Биыл көрермен назарына мерейтойы атап өтілетін тұлғалар туралы фильмдер ұсынамыз», - дейді жоба авторы Майя Бекбаева.

Бағдарламаның бірінші шығарылымы әйгілі қазақ жазушысы, драматург және ғалым Мұхтар Әуезовке арналған. Биыл жазушының туғанына 125 жыл толып отыр.

Майя Бекбаева фильмнің сценарийін жазу барысында мұрағат құжаттарымен жұмыс істегенін айтады. Түсірілім екі қалада өтіп, екі аптаға созылған.

Бірінші бөлім жазушының туған өлкесі Семей өңірінде (Әуезов Семей уезі Шыңғыстау болысында дүниеге келген) түсірілген.

Оның әдеби және саяси қызметі осы қаламен тығыз байланысты.

Фильмнің екінші бөлімі Алматыда түсірілді. Бағдарлама М.Әуезовтің мұражай үйі, Ғылым Академиясы сияқты орындарды қамтыған.

Жобаның түсіріліміне Абай атындағы мемлекеттік қазақ музыкалық драма театрының актерлері тартылды.

«Алты жылдан астам уақыт бойы осы тақырыппен айналысып келемін. Жүзге жуық фильм түсірілді. Бұл жолы біз жазушының өміріндегі ең жарқын оқиғаларды қалпына келтіруге тырыстық. Біз оған басқа қырынан қарауға тырысамыз» - дейді Майя Бекбаева.

Жаңа форматтағы «Наша история» жобасын көрермен қауым Jibek Joly арнасынан тамашалай алады.

Мұхтар Әуезовтің мерейтойына арналған фильм осы сенбіде экранға шығады.


Соңғы жаңалықтар