Израильде ғарышты зерттеудің ұлттық орталығы салынады
2022 жылғы 18 мамыр 07:53

Израильде ғарышты зерттеудің ұлттық орталығы салынады

НҰР-СҰЛТАН. ҚазАқпарат – Израиль Ұлттық ғарыш орталығын салып, спутник ұшыруды жоспарлап отыр, деп хабарлайды ҚазАқпарат тілшісі. Елде алдағы бес жылға арналған жаңа ғарыш бағдарламасы қабылданды, делінген «Вести Израиль» сайтында.

Сайтта жақын арада ғарышқа ұшырылатын израильдік «Амос-8» спутнигінің компьютерлік моделінің суреті жарияланған, сондай-ақ елдің ғылым және технологиялар министрі Орит Фаркаш-Хакоэннің алдағы бес жыл ішінде Израиль өзінің жаңа ғарыш бағдарламасына 600 миллион шекел салатынын мәлімдегені туралы айтылған.

«Қазір әлемде геосаяси жағдайға байланысты ғарыш қызметі белсенді дамып жатыр. Ұлыбритания алғаш рет өз аумағынан ғарыш кемесін ұшыруды бастады, Өзбекстан ғарыш саласын дамытуда, Израиль ғарышты зерттеудің ұлттық орталығын салады. Бәрінен бұрын маған Израильдің ғарыштық бағдарламасында қойылған нақты міндеттер ұнады, барлығы төрт тармақ»,-деді зымыран-ғарыш техникасы жөніндегі инженер-конструктор Жан Құлжанов.

Израильдің жаңа ғарыш бағдарламасының авторлары бұл ғарышты зерттейтін компаниялар санын екі есе арттыруға көмектеседі деп отыр (бүгінде Израильде олардың саны 60-қа жуық), ал осы салада жұмыс істейтіндер саны төрт есе артады - 2500-ден 10000-ға дейін.


Автор:
Тілші

Jańalyqtar

MURAǴAT