Израиль әуе қорғаныс күштері Дамаскке шабуыл жасады

АММАН. ҚазАқпарат - Израиль әскери авивациясының Сирия астанасының маңындағы бірнеше нысанға жасаған әуе соққысынан екі сарбаз жарақат алып, бірнеше нысан зақымдалды, деп хабарлайжы ҚазАқпарат тілшісі SANA сириялық агенттігіне сілтеме жасап.

Әскери дереккөздердің мәліметінше, Израиль бейсенбі түн ортасынан кейін Голан биіктігінен Дамаск маңайына қарай бірнеше зымыран ұшырып, екі сарбазды жарақаттаған және «біршама материалдық залал келтірген».

Сондай-ақ, Сирия әуе қорғаныс күші зымыранның бір бөлігін құлатқан.

«01:20-де (Астана уақытымен 04:20) израильдік қарсыластары Голан биіктігі тарапынан әуе агрессиясын жасап, Дамаск маңындағы бірнеше позицияны зақымдады», - деді кейіннен Сирия қорғаныс министрлігі.

Сирия адам құқығы жөніндегі обсерваториясының мәліметінше, бұл - 2023 жыл басталғалы Израиль ӘҚК-ның Сирия аумағына жасаған жетінші шабуылы.

Әуе шабуылынан кейін Кафарсуса ауданы мен аль-Мидан ауданында қатты жарылыстың даусы естілген.