Италияға бір тәулікте 1200-ге жуық заңсыз мигрант келген
Ресми тұлғалардың хабарлауынша, Италияның Калабрия аймағының жағалауына толып кеткен балықшы қайығынан 674 адам құтқарылып, 5 адамның мәйіті шығарылды.
Сол күні тағы 15 қайықтан 522 адам құтқарылып, Жерорта теңізіндегі кішкентай италиялық жанартау аралы – Лампедузаға жеткізілді, ол Еуропаға жетуді қалайтын адамдардың негізгі келу порттарының бірі болып саналады. Құтқарылғандардың арасында Ауғанстан, Пәкістан, Судан, Эфиопия және Сомалиден келген заңсыз мигранттар бар.
Жыл сайын жағалау күзеті мен үкіметтік емес ұйымдар теңізде апатқа ұшыраған жүздеген адамды құтқарады. Көптеген мигранттар қауіпті сапарға контрабандашылардың уақытша қайықтарымен шығады да қайықтар бұзылған кезде теңіздің ортасында қалып қояды.
Біріккен Ұлттар Ұйымының Босқындар ісі жөніндегі Жоғарғы Комиссарының (БҰҰ БЖКБ) мәліметі бойынша, 2021 жылы Жерорта теңізі мен Солтүстік-Батыс Атлант мұхитында 3231 адам өлді немесе із-түзсіз жоғалды.