+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Италия мұрағатынан алынған қыпшақтар сөздігінің электронды нұсқасы Қазақстанға жеткізілді

2015 жылғы 26 қазан 13:15
Бөлісіңіз:
Италия мұрағатынан алынған қыпшақтар сөздігінің электронды нұсқасы Қазақстанға жеткізілді

АСТАНА. ҚазАқпарат - Қазақстан Республикасының Мəдениет жəне спорт министрлігі Италияның мұрағатынан Дешті Қыпшақ кезеңінде жазылған «Кодекс куманикус», яғни, қыпшақ тілі сөздігінің электронды нұсқасын елімізге əкелді. Бұл туралы Орталық коммуникациялар қызметінде өткен брифинг барысында Мәдениет және спорт министрі Арыстанбек Мұхамедиұлы мəлім етті.

«Мәдениет және спорт министрлігі мен Италияның Мұрағат комитеті арасында тиісті келісім бар. Осы келісімнің арқасында өте жақсы жұмыстар атқарылып жатыр. Мысалы, Италияның мұрағатында Дешті Қыпшақ кезеңінде жазылған «Кодекс куманикус» шығармасының түпнұсқаға жақын түрі сақталған. Осы келісімнің арқасында біз осы құжаттың электронды нұсқасын Қазақстанға əкелдік», - деген министр болашақта тарихи құжат негізінде кітап шығуы мүмкін екенін атап өтті.

А.Мұхамедиұлының айтуынша, бұдан өзге, Италияның мұрағатынан ұлтымыздың тарихына байланысты басқа да құжаттар табылған.

«Жалпы, Италияның мəдениет жəне туризм министрлігі мұрағаттар бас дирекциясымен арадағы қарым-қатынас өз тиімділігін көрсетіп отыр. Осы байланыстың арқасында біздің тарихымызға қатысты өте көне картаны ұсынған Ватикан жəне Рим мұрағаттарына да алғыс айтамыз», - деді А.Мұхамедиұлы.

Біздің каналымызға жазылыңыз:

Бөлісіңіз:

Автор:

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059

MURAǴAT