Исландия зейнеткерлері ең жақсы өмір сүреді

НҰР-СҰЛТАН. ҚазАқпарат - Әлем бойынша зейнеткерлері ең жақсы өмір сүретін мемлекеттер рейтингі жасалып, «Жаһандық зейнеткерлік индексі» баяндамасы жарияланды, деп жазады Business Insider.

Мамандар рейтинг жасауға 44 мемлекетті төрт талап бойынша зерттеген.

«Рейтинг жасау барысында мемлекет зейнеткерлерінің материалдық жағдайы, денсаулығы, зейнетке шыққан кездегі қаржыландырылуы, денсаулығы секілді критерийлер ескерілді», деп жазады басылым.

Автордың айтуынша, әлем бойынша зейнеткерлері ең жақсы өмір сүретін зейнеткерлер тұратын мемлекеттер қатарында Исландия, Швейцария, Норвегия, Ирландия, Жаңа Зеландия, Швеция, Дания, Канада, Австралия, Люксембург бар.