Исламхан Қазақстанның сәуірдегі үздік футболшысы атанды

АСТАНА. ҚазАқпарат - «Қайрат» командасының капитаны Бауыржан Исламхан Sports.kz порталы тағайындаған «Алмаз» сыйлығының лауреаты атанды. Аталмыш сыйлық осы айдың қорытындысы бойынша берілді, деп хабарлайды «ҚазАқпарат» тілшісі.

Қазақстандық бас бапкерлер мен Премьер-Лига футболшылары арасындағы сауалнама бойынша, ел вице-чемпиондардың 24 жасар шабуылдаушы жартылай қорғаушысы 26 ұпай жинап, қарсыластарынан айтарлықтай зор айырмашалықпен алдыға шықты.

Екінші ең көп дауысты «Ертіс» ойыншысы Аслан Дарабаев алды. Үздік үштікті «Қайрат» командасының тағы бір өкілі, 13 ұпай жинаған Исаэль тұйықтады. Алматылық клубта өнер көрсететін бразилиялық футболшы өзінің «қоласына» сәуір айының ең үздік легионері атағын қосып алды.