Ішкі істер министрлігіне Ұлттық ұланның қызметін реттейтін бірқатар құзырет беріледі

None
АСТАНА. ҚазАқпарат – Үкімет қаулысымен Ішкі істер минстрілігіне бірқатар қосымша құзырет беру жоспарланып отыр, деп хабарлайды ҚазАқпарат тілшісі.

Ашық НҚА порталында жарияланған қаулыға сәйкес, енді аталған ведомствоға мына функциялар берілмек:

- ҚР Ұлттық ұланының әскери полиция органдарына қызметке алғашқы рет кіретін азаматтардың тағылымдамадан (сынақ мерзімінен) өту тәртібі мен шарттарын бекітеді;

- ҚР Ұлттық ұланы әскери полиция органдарының арнайы көлік құралдарының тізбесін бекітеді;

- ҚР Ұлттық ұланының механикалық көлік құралдарын және олардың тіркемелерін мемлекеттік тіркеу қағидаларын бекітеді;

- ҚР Ұлттық ұланының әскери полиция органдарында тіркелген механикалық көлік құралдарын және олардың тіркемелерін міндетті техникалық байқаудан өткізу қағидаларын бекітеді.

Құжатты ашық талқылау 7 сәуірге дейін жалғасады.

Қоса кетейік, бұған дейін Сауда және интеграция министрлігіне әлеуметтік маңызы бар тауарлардың тізбесін бекіту, ал Сыртқы істер министрлігіне инвестиция тарту тәртібін айқындау құзыреті берілетінін хабарлап едік.

Соңғы жаңалықтар