10:44, 17 Қыркүйек 2019 | GMT +6
Ішкі істер министрі Жанар Хамитованың өліміне қатысты пікір білдірді
НҰР-СҰЛТАН. ҚазАқпарат – ҚР Ішкі істер министрі Ерлан Тұрғымбаев әнші Жанар Хамитованың өліміне қатысты пікір білдірді, деп хабарлайды ҚазАқпарат тілшісі.
«Жанар Хамитованың өліміне қатысты қазіргі уақытта қылмыстық іс қозғалған. Барлық мән-жай тексеріліп жатыр. Барлықтарыңыз да білесіздер, ол жерде өзіне-өзі қол жұмсау фактісі болған. Дегенмен, кейбір нюанстардың болуына байланысты Қарағанды облысында қылмыстық іс қозғалды. Іс аясында барлығы тексеріледі», - деді Ерлан Тұрғымбаев Үкімет отырысынан кейін БАҚ өкілдерінің сауалына орай.