+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Ішкі істер министрі 19 жастағы Аяжан Еділованың өлімі жөнінде пікір білдірді

2021 жылғы 11 маусым 15:18
Бөлісіңіз:
Ішкі істер министрі 19 жастағы Аяжан Еділованың өлімі жөнінде пікір білдірді

НҰР-СҰЛТАН. ҚазАқпарат – ҚР Ішкі істер министрі Ерлан Тұрғымбаев Алматыдағы 19 жастағы Аяжан Еділованың өліміне қатысты пікір білдірді, деп хабарлайды ҚазАқпарат.

«Біріншіден, бұл жерде тергеудің егжей-тегжейін айта алмаймын, себебі іс Алматы қаласының арнайы прокурорларының өндірісінде жатыр. Біз күдіктінің ұсталғаны және оның қылмысты жасағаны туралы алғашқы ақпаратты бердік. Кез келген осындай қылмыстар үшін айыпталушының психикалық жағдайына күмән туындағанда әрдайым сот-психиатриялық сараптама жүргізіледі. Менің ойымша, бұл іс бойынша да сондай сараптама тағайындалады. Нәтижелерді Алматы қаласының прокуратура органдарынан біле аласыздар», - деді Е. Тұрғымбаев Орталық коммуникациялар қызметінде.

Еске салсақ, 19 наурызда Алматыда 19 жастағы бойжеткен жұмыстан шығып үйіне оралмаған. Кейін Аяжан Еділова өлі күйінде табылды .

Алматы қалалық Полиция департаменті таратқан мәліметке сәйкес, 20 наурыз күні қыздың әпкесі полицияға жүгініп, сіңлісінің жоғалып кеткенін хабарлаған. Бойжеткенді іздеу үшін арнайы жедел тергеу тобы құрылды.

Іздеу жұмысы кезінде қыздың сол күні әлеуметтік желіде танысқан жігітпен кездесуді жоспарлағаны анықталды. Кейін белгілі болғандай, бойжеткен сол бейтаныс жігіттің қылмыстық әрекетінен қаза тапқан . Күдікті - 1993 жылы туған Түркістан облысының тұрғыны.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT