16:46, 07 Қыркүйек 2018 | GMT +6
Иранның оңтүстік-шығысында қатты жер сілкінісі болды
ТЕГЕРАН. ҚазАқпарат - Иранның оңтүстік-шығысындағы Систан және Белуджистан провинцияларында магнитудасы 5,6 балл болатын жер сілкінісі болды, деп хабарлайды «Анадолу» агенттігі.
Тегеран университеті Геофизика институты жанындағы Сейсмология орталығы ұсынған ақпаратқа сәйкес, жергілікті уақытпен сағат 10:53-те жер сілкінісі орын алған.
Жерасты дүмпуінің эпицентрі Систан және Белуджистан провинцияларына қарасты Безман ауданының Месджид-и Хазрети Абульфазл ауылында болған. Ошағы 10 шақырым тереңдікте орналасқан.
Қаза тапқандар мен зардап шеккендер туралы хабарланған жоқ.