+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Ирандағы жер сілкінісінен 634 адам зардап шекті

2018 жылғы 26 қараша 14:47
Бөлісіңіз:
Ирандағы жер сілкінісінен 634 адам зардап шекті

ТЕГЕРАН. ҚазАқпарат - Иран елінің батысындағы Керманшах провинциясында болған жер сілкінісінен зардап шеккендер саны 634-ке жетті. Бұл туралы «ИРНА» агенттігіне сілтеме жасап ҚазАқпарат хабарлайды.

Өткен жексенбіде иран-ирак шекарасы ауданындағы Саре-Поле-Захаб қаласының маңында магнитудасы 6,4 болған жер сілкінісі болған, деп хабарлайды Тегеран университетіндегі Геофизика институтының сейсмологиялық орталығынан.

Жерасты дүмпулер Керманшах және Илам провинцияларында, сондай-ақ Бағдад қаласы және Әзербайжанда сезілген. Магнитудасы 5,2, 4, 4 және 4,1 балл болған 4 афтершок Иранның Керманшах провинциясында тіркелді. Сейсмолог мамандардың мәліметінше, жерасты дүмпулер жергілікті уақытпен сағат 20:07-де тіркеліп, ошағы 7 шақырым тереңдікте орналасқан.

Жер сілкінісінің ошағы елдің батысындағы Керманшах провинциясының Сере-Поле-Зохаб қаласынан 17 шақырым жерде тіркелді.

Еске сала кетейік, 2017 жылдың 12 қарашасында Керманшах провинциясында магнитудасы 7,3 балға дейін жеткен жойқын жер сілкінісі болды. Еуропа-Жерорта сейсмологиялық орталығының хабарлауынша, жерасты дүмпулер ошағы ирандық Азгле қаласында болған, тереңдігі 11 шақырымды құраған. Елдің құқық қорғау органдарының мәліметі бойынша, жер сілкінісінен кем дегенде 630 адам көз жұмып, тағы 12 мыңға жуық адам зардап шекті.

Біздің каналымызға жазылыңыз:

Басты сөздер: Әлем, Жер сілкінісі,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT