13:03, 23 Шілде 2018 | GMT +6
Ирандағы жер сілкінісі: Зардап шеккендер арасында қазақстандықтар жоқ
АСТАНА. ҚазАқпарат - ҚР Сыртқы істер министрлігі Ирандағы жер сілкінісіне қатысты мәлімдеме жасады, деп хабарлайды «ҚазАқпарат» ХАА тілшісі.
«Алдын ала мәліметтерге қарағанда, Ирандағы жер сілкінісінен зардап шеккендер арасында қазақстандықтар жоқ», - делінген ведомство баспасөз қызметінің мәлімдемесінде.
Еске сала кетейік, Иранның батысында 5,9 балл қуатымен болған жер сілкінісі салдарынан 146 адам зардап шеккен болатын.
Зілзала ошағы Кирманшах провинциясында болды. Іздестіру-құтқару жұмыстары жалғасып жатыр.