Қолданушы баптаулары
Қолданушы баптаулары
+7 (701) 759 90 19 Лента
USD 379.36 EUR 424.47
RUB 5.88 CNY 54.95
Jańalyqtar

Иран Қазақстаннан жеткізілетін 864 тауарға импорттық баж ставкасын төмендетеді

2019 жылғы 2 сәуір 17:59 767
Бөлісіңіз:
Иран Қазақстаннан жеткізілетін 864 тауарға импорттық баж ставкасын төмендетеді

НҰР-СҰЛТАН. ҚазАқпарат - Иран Қазақстаннан жеткізілетін 864 тауарға импорттық баж ставкаларын төмендетеді. Бұл туралы бүгін ҚР Ұлттық экономика вице-министрі Серік Жұманғарин айтты, деп хабарлайды ҚазАқпарат тілшісі.

Ұқсас жаңалықтар
Мақтааралда мол өнім жинаған шаруа Ресейге қырыққабат экспорттады Біздің өнімдеріміз басқа елдерде танымал болуы тиіс - Асқар Мамин

«Еуразиялық экономикалық одаққа мүше мемлекеттер мен Иран Ислам Республикасы арасындағы еркін сауда аймағын құруға алып келетін уақытша келісімге 2018 жылдың 17 мамырында Астана қаласында  қол қойылды. Келісім бойынша келіссөздер бастау туралы шешімді ЕАЭО мемлекеттерінің басшылары 2016 жылы қабылдады. Бұл ретте Иранмен еркін сауда аймағын құру бастамасын Мемлекет басшысы 2014 жылы Каспий маңы мемлекеттері басшыларының саммитінде ұсынды. Бұл келісімді іске асыру отандық тауарларды 80 млн-нан астам халқы бар Иранның перспективалы нарығына шығару арқылы олардың экспортын ұлғайтуға мүмкіндік береді. Жалпы алғанда осындай келісім экспортты әлемдік нарыққа шығару құралдарының бірі болып саналады», - деді вице-министр ҚР Сенаты Экономикалық саясат, инновациялық даму және кәсіпкерлік комитетінің кеңейтілген отырысында сәйкесінше заң жобасын таныстыра келе.

Оның дерегінше, Қазақстан мен Иранның өзара сауда көлемі 2018 жылы 516,3 млн АҚШ долларына жетті. Оның ішінде Иранға экспорт 426,7 млн, импорт 89,5 млн долларды құрады. Қазақстанның негізгі  тауарларының ішінде арпа 272 млн, болат илек 87 млн, рапс тұқымы 17 млн және қой еті 11,6 млн долларға жеткізілді. Ал, Сенат қарауына түскен бұл келісімге сәйкес Иран тарапы 864, оның ішінде 262 ауыл шаруашылығы, 602 өнеркәсіптік тауарға қатысты импорттық баж ставкаларын төмендетеді. Иран нарығына сиыр және қой етті жеткізу ставкасы 26-дан 5-10, бұршақ дақылдары 55-тен 5-10, өсімдік майын 20-дан 10, макарон және кондитерлік өнімдерді 55-тен 14-20, болат илек 20-дан 15, рельстер 5-тен 4 пайызға дейін төмедету жеңілдетілген тарифтермен жеткізуге мүмкіндік туады.

«Бұл тауарлар бүгінгі күні Қазақстанның Иранға экспортының 292 млн долларын немесе 54 пайыздан астамын алып отыр. ЕАЭО-ға мүше елдер 502, оның ішінде 126 ауыл шаруашылығы, 376 өнеркәсіптік тауар бойынша импорттық баж ставкаларын төмендетті», - деді С.Жұманғарин.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT