Иракта тәу етуге бара жатқан 8 ирандық жол апатынан қаза тапты

НҰР-СҰЛТАН. ҚазАқпарат – Иракта осы елдегі шеиіттік мазарларға тәу етуге бара жатқан ирандықтарды тасымалдаған автобус жол апатына ұшырап, кем дегенде 8 адам көз жұмды, 30 адам жарақат алды, деп хабарлайды ҚазАқпарат IRIB телерадио хабарларын таратушы корпорациясына сілтеме жасап.

Оларды тасымалдаған автобус Иракқа Иранның Мехран қаласына жақын орналасқан бақылау-өткізу пункті арқылы жеткен. Оқиға шекара маңында орын алған. Жол апатының нақты қай жерде болғаны хабарланған жоқ.