+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Иракта коронавирус госпиталіндегі өрт құрбандарының саны 50-ге жетті

2021 жылғы 13 шілде 09:24
Бөлісіңіз:
Иракта коронавирус госпиталіндегі өрт құрбандарының саны 50-ге жетті

БАҒДАТ. ҚазАқпарат – Ирактың оңтүстігіндегі Насирия қаласының госпиталінде болған өрт салдарынан кем дегенде 50 адам қаза тауып, 70 адам зардап шекті, деп хабарлайды ҚазАқпарат Ирактың INA ақпарат агенттігіне сілтеме жасап.

Дүйсенбі күні кешке Ирактың Ди-Кар прорвинциясына қарасты Насирия қаласында коронавирус инфекциясына шалдыққандарға арналған «Имам Хусейн» емханасында өрт басталды.

Жалын медицина мекемесінің барлық бөлімдерін шарпыған. Провинцияның денсаулық сақтау департаменті өрттің оттегі баллондары сақталып тұрған қоймадан басталғанын мәлімдеді.

Соңғы мәлімет бойынша, өрт сөндірушілер ауруханада ондаған пациент пен қызметкерлердің шығар жолын бұғаттаған жалынның таралуын тоқтатты.

Провинцияда төтенше жағдай режимі жарияланған.

Оқиға орнына Ирактың премьер-министрі Мұстафа Казыми шығып, министрлер және қауіпсіздік қызметінің жоғары командованиесімен шұғыл кездесу өткізді.

Денсаулық сақтау департаментінен атап өткендей, дүйсенбі күні болған өрттен қаза болғандардың саны өсуі мүмкін, себебі көптеген пациенттер әлі де із-түзсіз жоғалғандар қатарында.

Олардың айтуынша, қаза болғандар арасында екі медицина қызметкері бар.

Осы арада аурухана алдында ашуға булыққан туыстар жиналып, полициямен қақтығысқа түсуі салдарынан полиция қызметінің екі көлігі өртенді, деп хабарлайды Reuters.

Иракта осыған ұқсас өрт оқиғасы алғаш рет болып тұрған жоқ.

Сәуірде Бағдатта ковид госпиталінде болған өрт салдарынан 82 адам қаза тауып, тағы 110-ы зардап шекті. Өрттің шығуына оттегі баллонының жарылуы себеп болған.


Біздің каналымызға жазылыңыз:

Бөлісіңіз:

Автор:

Зарина Туғанбаева

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT