+7 (701) 759 90 19 Лента
USD 386.71 EUR 429.17
RUB 6.02 CNY 54.66
Jańalyqtar

Иорданиямен тікелей әуе бағытын ашу мәселесі талқыланды

2019 жылғы 11 қыркүйек 21:57
Бөлісіңіз:
Иорданиямен тікелей әуе бағытын ашу мәселесі талқыланды

НҰР-СҰЛТАН. ҚазАқпарат – Парламент Сенатының төрағасы Дариға Назарбаева Иорданияның Қазақстандағы елшісі Юсеф Абдельганимен кездесті. Бұл туралы ҚазАқпарат ведомостваның баспасөз қызметіне сілтеме жасап хабарлайды.

Сенат төрағасы Иордания елі мен Король Абдалла II-нің Таяу Шығыстағы күрделі үдерістерді реттеуге қосқан зор үлесін атап өтті.

«Мемлекетіміздің жақын досы – Король Абдалла II-нің өз еліндегі қоғамдық-саяси өмірді және экономиканы реформалаудағы қызметін, сондай-ақ халықаралық өзекті мәселелер жөніндегі сындарлы ұстанымын жоғары бағалаймыз. Корольдің 2017 жылғы қараша айында Қазақстанға келген сапарының маңызы зор». Абдалла II-нің Таяу Шығыстағы бейбітшілік пен тұрақтылық мәселелеріне қосқан күш-жігері ескеріліп, «Ядролық қарусыз әлем және жаһандық қауіпсіздік үшін Назарбаев сыйлығының» алғашқы иегері атанған болатын.

Тараптар халықаралық және аймақтық көптеген мәселелер бойынша Нұр-Сұлтан мен Амман қалалары ұстанымдарының ұқсас екенін атап өтті. Сенат төрағасы – Әлемдік және дәстүрлі діндер лидерлері Съезі Хатшылығының басшысы Хатшылықтың кезекті отырысына дайындық жұмыстары туралы айта келіп, форумға қолдау көрсеткені және белсенді қатысқаны үшін иорданиялық тарапқа алғыс білдірді.



Елші Иордания азаматтары үшін визасыз тәртіп енгізуді және екі ел арасындағы тікелей әуе қатынасын ашуды өтінді. Бұл сауда-экономикалық ынтымақтастықты кеңейтуге, туризм әлеуетін дамытуға мүмкіндік береді және Иордания студенттерінің көптеп келуіне жол ашады.

Дариға Назарбаева Елшінің ұсыныстарына қолдау білдіріп, екі ел арасындағы өзара іс-қимылды нығайтуда визасыз тәртіптің маңыздылығын атап өтті.


Біздің каналымызға жазылыңыз:

Басты сөздер: ҚР СІМ, Сенат,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT