+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Инвестиция тарту жағынан 2 өңір көш басында тұр – Индустрия министрлігі

2021 жылғы 28 қыркүйек 09:54
Бөлісіңіз:
Инвестиция тарту жағынан 2 өңір көш басында тұр – Индустрия министрлігі

НҰР-СҰЛТАН. ҚазАқпарат – Бүгін Үкімет отырысында Индустрияландыру картасы жобаларын талқылау кезінде ҚР Индустрия және инфрақұрылымдық даму министрі Бейбіт Атамқұлов жобаларды пайдалануға беру қарқыны туралы айтты, деп хабарлайды ҚазАқпарат тілшісі.

Ұқсас жаңалықтар
Ауыл шаруашылығы министрі ұн өндіру көлемі төмендегенін айтты Шикізат емес тауарлар экспорты 21,8 млрд  АҚШ долларына жеткізіледі - Атамқұлов Қазақстан ядролық-отын циклінің тігінен интеграцияланған кешенін құруды көздейді

«Инвестиция тарту жағынан 2 өңір көш басында тұр (699,9 млрд теңге сомасына 28 жоба). Шығыс Қазақстан облысында инвестиция көлемі 469,7 млрд теңге болатын 14 жобаны іске қосу жоспарланып отыр. Қарағанды облысында 14 жоба іске асырылмақ. Инвестиция көлемі - 230,2 млрд теңге», - деді Б. Атамқұлов.

Оның айтуынша, қыркүйек айындағы жағдай бойынша жалпы сомасы 296 млрд теңге болатын 28 жоба пайдалануға берілді. 3,5 мыңнан астам тұрақты жұмыс орны ашылды. Жобалардың дайындығы 9 өңірде 80%-дан жоғары, 6 өңірде қарқын орташа.

«2 өңірде (Қызылорда облысы мен Алматы қаласында) жобаларды пайдалануға беру кешігіп жатыр (тиісінше 75% және 72% деңгейінде). Нұр-Сұлтан (3,4 млрд теңге) және Алматы (8,2 млрд теңге) қалаларында индустриялық жобаларға салынатын инвестициялар көлемінің қала экономикасына қатысы үлесі шамалы. Сондай-ақ, Ақмола облысындағы жобаларға салынған инвестициялар 2020 жылғы 42 млрд теңге болса, биыл 3,9 млрд теңгеге дейін түскен. Яғни, 10 есе төмендеген. Бұл өңірлер жұмысты жандандыруы қажет», - деді министр.

Пайдалануға берілген жобалардың ішінде мынадай ірі жобаларды атап өтуге болады:

Бірінші жоба – Қарағанды облысында «Жәйрем кен байыту комбинаты» АҚ-да жұмыс істеп тұрған өндірісті жаңғырту және байыту фабрикасының құрылысы. Кәсіпорынды жаңғырту қорғасын-мырыш кенін өндіру көлемін 2,5 есеге (жылына 2 млн.тоннадан 5 млн. тоннаға дейін) ұлғайтуға мүмкіндік береді.

Екінші жоба – «Петропавл электр техникалық зауыты» ЖШС трансформаторлар өндірісі. Бұл Алагеум тобындағы 4-ші ірі зауыт. Кәсіпорынды іске қосу отандық трансформаторлар өндірісін жылына 44 мың қуатқа қол жеткізіп, 40%-ға (32 мыңнан) арттырады. Бұл ретте, экспорт жылына 25 мың бірлікке (15 мың бірліктен) жетеді.

Үшінші жоба – Саран қаласындағы қуаты жылына 1200 болатын «QazTehna» ЖШС Yutong жолаушылар автобусын шығару. Жоба іске асырыла бастаған кезде (2020 жылғы желтоқсан) оқшаулау деңгейі 29% болды. 2021 жылғы маусымда шағын торапты өндіру әдісі (CKD) пайдалануға берілді. Бұл кейбір модельдердің оқшаулауын 40%-ға дейін арттырады. Келешекте Саран қаласында шина зауыты іске қосылса (KamaTyres) және отандық аккумуляторларды (Қайнар-АКБ) пайдаланғанда, оқшаулау деңгейі 50%-ға дейін жетуі тиіс. Бұл автобустар Білім және ғылым министрлігімен бірлесіп өткізілетін «Балаларды мектеп автобустарымен тасымалдауды ұйымдастыру» жол картасы аясында пайдаланылады.

Бұдан бұрын хабарланғандай, биыл елімізде 1,23 трлн теңге болатын 128 жоба іске қосылады.



Біздің каналымызға жазылыңыз:

Бөлісіңіз:

Автор:

Руслан Ғаббасов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT