+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Интернет арқылы есірткіні таратушыларға қылмыстық жауапкершілік белгілейтін бап енгізілді - ІІМ

2020 жылғы 10 қаңтар 18:28
Бөлісіңіз:
Интернет арқылы есірткіні таратушыларға қылмыстық жауапкершілік белгілейтін бап енгізілді - ІІМ

НҰР-СҰЛТАН. ҚазАқпарат - Есірткі сататын интернет сайттардың жарнамасы бар граффити суреті салғандар үшін қылмыстық жауапкершілікке тартылады, деп хабарлайды ҚазАқпарат ҚР ІІМ баспасөз қызметіне сілтеме жасап.

Ұқсас жаңалықтар
Асхат Аймағамбетов: Мектептерге интернет қосатын провайдердің тарифі өте қымбат Бас прокуратура қазақстандықтардың жеке мәліметтерінің таралып жатқанын жоққа шығарды Биыл 1 мыңнан астам ауыл жылдамдығы жоғары мобильді интернетпен қамтылады

Министрлік баспасөз қызметінің мәліметінше, биылғы жылдың 11 қаңтарынан бастап есірткіні насихаттайтын және сататын интернет сайттардың сілтемесін таратуға байланысты қылмыстық заңнамаға енгізілген өзгерістер күшіне енеді.

«Қылмыстық кодекске есірткіні насихаттау немесе жарнамалау үшін қылмыстық жауапкершілік белгілейтін жаңа 299-1-бап енгізілді. Ол бойынша үш жылға дейін бас бостандығынан айыру түріндегі жаза көзделген.

Егер осы қылмыс топпен, бірнеше рет, білім ұйымдарында немесе адам көп жиналатын орында, бұқаралық ақпарат құралын немесе электрондық ақпарат ресурсын пайдаланып, қызметтік жағдайын пайдаланып жасалса 3 жылдан 6 жылға дейін бас бостандығынан айыру түріндегі жаза белгіленеді», делінген хабарламада.

Бұдан басқа бірқатар қылмыстық баптарға «электрондық ақпараттық ресурстарды пайдалану арқылы» деген жаңа саралау белгісі енгізілді.

«Бұл шаралар есірткіні таратудың жаңа әдістері бойынша жазалау үшін қажет. Бұл дегеніміз интернет технологияны – сайттарды және әлеуметтік желі Instagram, Telegram, Facebook, сондай-ақ электронды төлем жүйелерін (QIWI, «Яндекс деньги» және т.б.) пайдалану», - деп түсіндірді ҚР ІІМ Есірткі қылмысына қарсы іс-қимыл департаменті бастығының орынбасары Нұртай Әбілмәжінов.

Аталған қылмыстар ауыр және аса ауыр қылмыстар санатына жатқызылған. Электронды ақпараттық ресурстарды пайдалану арқылы есірткі өткізу 10 жылдан 15 жылға дейін бас бостандығынан айырумен жазаланады. Электронды ресурстар арқылы есірткі қолдануға көндіру 3 жылдан 8 жылға дейін бас бостандығынан айыруға әкеледі. Олардың көмегімен есірткі өндірісінде пайдаланылатын заттардың айналымы үшін 7 жылдан 10 жылға дейін бас бостандығынан айыруды көздейді.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT