Интеграцияны құру бір басқа, ал оның өміршеңдігін әлем алдында дәлелдеу ұлы міндетіміз - Н.Назарбаев
«Біз Еуразиялық экономикалық одақты жаңғырта алдық. Алдымызда жаһандық орнықтылық жағдайындағы қалыптасу мен дамудың күрделі кезеңдері күтіп тұр. Интеграцияны құру бір басқа, ал оның өміршеңдігін бүкіл әлем алдында дәлелдеу біздің ұлы міндетіміз», - деді Н.Назарбаев.
Елбасының айтуынша, интеграция өздігінен керемет өмір сүруге кепілдік бере салмайды. Бұл үшін әрбір мемлекетке тынымсыз жұмыс істеу қажет.
«Жаңа қатерлер, жаңа қауіптермен қатар, тың міндеттер болады. Экономика табандауы да мүмкін, өзара сауда-саттық бүгінгі қарқынын төмендетуі де ғажап емес. Біз бұған дейін пайдаланбаған люфтты енді пайдалану жолын таңдап отырмыз. Осының өзі тек қана алға жылжудан басқа реакциялар тудырмауы керек. Біз кез-келген мәселенің ортақ шешімін табуға дайын болуға тиіспіз, барлық дағдарысты бірлесе еңсеруге тиіспіз», - деді Н.Назарбаев.