+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Инспектор өліміне қатысты браконьерлердің барлығы анықталды

2019 жылғы 16 қаңтар 13:28
Бөлісіңіз:
Инспектор өліміне қатысты браконьерлердің барлығы анықталды

АСТАНА. ҚазАқпарат - «Охотзоопром» ӨБ» РМҚК инспекторы Е. Нұрғалиевтің өліміне қатысы бар барлық браконьерлер анықталды. Бұл туралы ҚР ІІМ Ішкі және сыртқы коммуникациялар департаментінің директоры Алмас Садубаев мәлім етті, деп хабарлайды ҚазАқпарат тілшісі.

«Аталған факті бойынша Қарағанды облыстық полиция департаменті Тергеу басқармасымен ҚР ҚК 99 бабы 2 тармағында көзделген қылмыс белгілері бойынша сотқа дейінгі тергеу жүргізіліп жатыр. Бүгінгі күні кешенді тергеу шараларының нәтижесінде аталған қылмысты жасауға қатысы бар барлық тұлғалар анықталды. Қазіргі уақытта оларды ұстауға бағытталған жұмыстар жүргізіліп жатыр. Қылмыскерлермен арадағы қақтығысқа қаза тапқан инспектордың туған-туыстары мен жақындарына көңіл айтамыз», - деді Алмас Садубаев.

Естеріңізге сала кетсек, осыдан бірнеше күн бұрын 5 киік атқан браконьерлермен қақтығыста ауыр жарақат алған «Охотзоопром» ӨБ» РМҚК инспекторы Ерлан Нұрғалиев 15 қаңтарда Астананың №1 ауруханасында қайтыс болған еді.

Ал бүгін Парламент Мәжілісінде тілшілерге Бас прокурордың орынбасары Андрей Лукин бұл істі Бас прокуроры Қайрат Қожамжаров тікелей бақылауына алғанын айтты.

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059

MURAǴAT