+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

Индустриялық сертификат: «Атамекен» ҰКП мүгедектер ұйымдарына бірнеше ұсыныс білдірді

2020 жылғы 22 қаңтар 18:00
Бөлісіңіз:
Индустриялық сертификат: «Атамекен» ҰКП мүгедектер ұйымдарына бірнеше ұсыныс білдірді

НҰР-СҰЛТАН. ҚазАқпарат – Елордада «Атамекен» ұлттық кәсіпкерлер палатасының басқарма төрағасы Абылай Мырзахметов елордада мүмкіндігі шектеулі жандардың қатысуымен мүгедектер ұйымына индустриялық сертификатты қайтару мүмкіндігін талқылап жатыр, деп хабарлайды ҚазАқпарат тілшісі.

Ұқсас жаңалықтар
Жергілікті органдар мүгедектерге жағдай жасауға бағытталған жұмысын күшейтуі тиіс Елордада инватакси көлігінің саны артты Мүгедектердің құқықтарын қорғайтын Бірыңғай ұлттық үйлестіруші орган құру ұсынылды

«Мүгедектер ұйымын барынша қолдау мақсатында индустриялық сертификат беру үшін мынадай ұсыныстарды ортаға саламыз: біріншіден, мүгедектер ұйымдарының бірыңғай реестрін жүргізіп отыратын ұйымды белгілеу керек. Бұл ұйым – мемлекеттік орган да болуы мүмкін. Екіншіден, аталмыш реестрге ұйымдарды енгізу үшін нақты талаптарды әзірлеген жөн. Үшіншіден, салалық талаптарды дайындап, қазіргі қолданыстағы талаптардың бәрін жетілдірген абзал. Төртіншіден, индустриялық сертификат беру тәртібіне өзгеріс енгізіп, бұл бағытта әр өңірде кем дегенде бір сарапшы бекіту керек», - деді «Атамекен» ҰКП мемлекеттік сатып алу департаментінің директоры Меруерт Әбдуәли.

«Атамекен» ҰКП мемлекеттік сатып алу департаментінің директоры мүгедектер ұйымы аталған ұсыныстармен келіскен жағдайда осы ұсыныстарды іске асыруды бастап кетуге болатынын жеткізді. Әзірге мүгедектер ұйымдарының өкілдері мен «Атамекен» ҰКП мүшелері бұл мәселені талқылап жатыр.

Айта кетсек, бұған дейін «Атамекен» ұлттық кәсіпкерлер палатасы индустриялық сертификат берудің мүгедектер ұйымына неліктен тоқтатылғанын түсіндірген болатын.

«Мүгедектер ұйымының бірыңғай мемлекеттік реестрі жоқ. Оларды біріктіретін қауымдастық та құрылмаған. Осыған байланысты шектейтін нормаларға жол бермеу үшін «Атамекен» ҰКП индустриялық сертификатты беру бойынша қолданыстағы ережеге өзгерістерді енгізді. Бұл ретте тиісті талаптар әзірленгенше мүгедектер ұйымы индустриялық сертификат берілетін ұйымдардың қатарынан шығарылады», - деп хабарлады «Атамекеннен».


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT