Индустриялы Қазақстан, инновациялы Қазақстанға айналуы тиіс - Елбасы

ТАНА. 11 қараша. ҚазАқпарат /Қанат Мәметқазыұлы/ - ХХІ ғасырда индустриялы Қазақстан, инновациялы Қазақстанға айналуы керек.

Бүгін Қазақстан Тәуелсіздігінің 20 жылдығына арналған агроөнеркәсіп кешені қызметкерлерінің республикалық форумы барысында Мемлекет басшысы Нұрсұлтан Назарбаев осылай мәлімдеді.

«Бірер аптадан кейін біз Тәуелсіздігіміздің ерекше мерейлі күніне қадам басатын боламыз. Бұл тек қана ерекше тарихи күн емес, біздің келешек жолымызды санаға түйетін де кезеңіміз. ХХІ ғасырда жетістікке тек қана инновациялық көшбасшы мемлекеттер қол жеткізе алады. Сондықтан да, индустриялы Қазақстан, инновациялы Қазақстанға айналуы керек. Бұл агроөнеркәсіптік кешенге байланысты», - деді Н. Назарбаев.