Индустрияландыру картасы: Атырауда 817 млрд теңгенің екі жобасы іске қосылады
Бұл туралы облыс әкімі Махамбет Досмұхамбетовтің тұрғындар алдында есеп беруі кезінде белгілі болды.
«Былтыр Индустрияландыру картасы аясында 7 жоба іске қосылып, 580 жұмыс орны ашылды. Сондай жобалардың қатарында «Доктор Хаус» ЖШС-нің медициналық бетперде шығару өндірісі, «Бұйырғын» ауыл шаруашылығы өндірістік кооперативінің құс етін өндіретін фабрикасы мен «Бест Модуль» ЖШС-нің металдан модульдік ғимарат жасау цехы бар» -деді облыс әкімі Махамбет Досмұхамбетов.
Оның айтуынша, енді биыл жалпы құны 817 млрд теңгені құрайтын 2 жобаны іске қосу
жоспарланып отыр. Бұл жобалар бойынша 570 жұмыс орны ашылады.
Еске сала кетелік, бұдан бұрын Индустрияландыру картасымен Атырау облысында бройлер етін өндіретін кешен іске қосылатынын хабарлаған болатынбыз.