Индустрия және инфрақұрылымдық даму вице-министрі тағайындалды

None
None
НҰР-СҰЛТАН. ҚазАқпарат - Руслан Баймишев ҚР индустрия және инфрақұрылымдық даму вице-министрі болып тағайындалды. Бұл туралы ҚР Премьер-Министрінің баспасөз қызметі хабарлайды.

Қазақстан Республикасы Үкіметінің Қаулысымен ҚР индустрия және инфрақұрылымдық даму вице-министрі лауазымына Руслан Нұрашұлы Баймишев тағайындалды.

Руслан Баймишев 1980 жылы Алматы қаласында дүниеге келген. «Фемида» заң академиясын «заңгер» мамандығы бойынша, Қазақ ұлттық техникалық университетін «геология және пайдалы қазбалар кен орындарын барлау бакалавры» мамандығы бойынша тәмамдаған.

2008-2013 жылдары Геология және жер қойнауын пайдалану комитетінің «Қазгеоинформ» республикалық геологиялық ақпарат орталығында түрлі қызметтерді атқарды. 2013-2016 жылдары аталған Орталыққа жетекшілік етті.

2016 жылдан бүгінге дейін Қазақсатн Республикасы Индустрия және инфрақұрылымдық даму министрлігінің Жер қойнауын пайдалану департаментінің директоры лауазымын атқарып келді.

Соңғы жаңалықтар