22:01, 09 Желтоқсан 2022 | GMT +6
Индонезияның батысындағы көмір шахтасында болған жарылыстан тоғыз адам қаза тапты
ДЖАКАРТА. ҚазАқпарат – Жұма күні Индонезияның батысындағы Батыс Суматра провинциясындағы көмір шахтасында жарылыс болып, тоғыз жұмысшы қаза тапты.
Тағы екеуі жараланып, біреуі із-түзсіз жоғалып кетті, деп хабарлайды ҚазАқпарат Синьхуа агенттігіне сілтеме жасап.
Жарылыс жергілікті уақыт бойынша сағат 08:30 шамасында Савахлунто қаласында орналасқан шахтада болды, деп хабарлаған провинцияның іздеу-құтқару қызметінің өкілі Ариф Пратама.
Оның айтуынша, жарылыс салдарынан тоғыз адам қаза тауып, жаралылар жақын маңдағы ауруханаға жеткізілген.
Жоғалған адамды табу үшін іздестіру-құтқару операциясы жүріп жатыр, деп қосты ол.
Фото: shutterstock.com