Индонезиядағы су тасқынынан қаза тапқандар 63-ке жетті

ДЖАКАРТА. ҚазАқпарат - Индонезияның шығысында орналасқан Папуа провинциясында болған су тасқынынан 63 адам қаза тапты, деп хабарлайды «ҚазАқпарат» ХАА Синьхуа агенттігіне сілтеме жасап.

«Құтқарушылар судан 63 адамның денесін алып шықты. Папуа провинциясында сенбі күні түнде болған тасқын салдарынан жоғалған жүздеген адам әлі де іздестіріліп жатыр», - деп хабарлады жергілікті құтқару қызметінің өкілі.