+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Індетпен аянбай күрескен атыраулық дәрігер қайтыс болғаннан кейін марапатталды

2020 жылғы 13 шілде 20:10
Бөлісіңіз:
Індетпен аянбай күрескен атыраулық дәрігер қайтыс болғаннан кейін марапатталды

АТЫРАУ. ҚазАқпарат – Атырауда №2 облыстық инфекциялық аурухананың дәрігерлері коронавирустан қайтыс болған әріптесі Жұмабек Дәулетовтің кәсіби, адамгершілік қасиеті туралы айтып берді, деп хабарлайды ҚазАқпарат.

Ұқсас жаңалықтар

Қауіпті індетке шалдыққан науқастарды емдеген инфекционист-дәрігердің бірі – Жұмабек Дәулетов Ақтөбе медицина институтын бітірген. Ол еңбек жолын 1981 жылы Балықшы аудандық ауруханасында бастаған. Кейін 1998 жылы облыстық инфекциялық ауруханаға жұмысқа ауысқан.

«Жұмабек Бағытұлы бұл ауруханада алғашқыда - реанимотолог, одан соң өмірінің соңына дейін инфекционист болып еңбек етті. Аймаққа есімі кеңінен таралған дәрігер уақытпен санаспайтын. Өз ісіне үлкен жауапкершілікпен қараушы еді», - дейді №2 облыстық инфекциялық аурухана директорының кеңесшісі Аслан Жеңісұлы.

Бірге еңбек еткен әріптестерінің айтуына қарағанда, Жұмабек Дәулетов 40 жылға жуық дәрігерлік еңбек жолында оба, холера, түйнеме секілді вирусты індетпен ауырған жандарға емімен де, жылы сөзімен де шипа дарытқан. Ауруханада жетіспейтін дәрігерлердің міндетін қоса атқарудан ешқашан тартынбаған. Тіпті, талай рет қан қысымы көтеріліп отырса да, жұмыс орнын тастап кетпеген.

«Ол – дәрігерлік антына адал, ақ халатына қылаудай дақ түсірмеген таза жан еді. Жас буынға жөн сілтер ақылшы болды. Мейірбикелер мен тазалықшыларға ағасындай қамқор қолын созатын жанашыр жан еді» деп еске алады әріптестері.

Айта кетейік, инфекционист-дәрігер Жұмабек Дәулетов коронавирустан қайтыс болғаннан кейін Президент Жарлығымен «Құрмет» орденімен марапатталды.


Біздің каналымызға жазылыңыз:

Бөлісіңіз:

Автор:

Бек Мұстафа

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT