+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Тұмаудан өз бетінше емделуге абайлау керек - иммунолог

2020 жылғы 21 қыркүйек 14:09
Бөлісіңіз:
Тұмаудан өз бетінше емделуге абайлау керек - иммунолог

АЛМАТЫ. ҚазАқпарат – Иммунолог маман күз бен қыста суықтан сақтану жолдарын айтты, деп хабарлайды ҚазАқпарат тілшісі.

Ұқсас жаңалықтар
Вакцина коронавирустан 100% қорғай ма – профессор жауабы СҚО-да дәрі-дәрмек және медицина бұйымдарының тұрақтандыру қоры ашылды Теңіз кенішінде қарашадан бері 140 жұмысшы коронавирус жұқтырды

Қазақ медициналық үздіксіз білім беру университетінің микробиология, вирусология, жалпы иммунология, гигиена, эпидемиология сынды іргелі ғылымдар кафедрасының меңгерушісі Раушан Тьесова-Бердалина эпидемиологиялық ахуалға сипаттама берді.

«Барлық респираторлық аурулар сияқты SARS-CoV-2 инфекциялары басқа да вирустар тәрізді суық тию маусымы кезінде өршуі әбден ықтимал. Олар грипп, парагрипп, қызылша, ЖРВИ, менингококк, стрепоткокк, стафилококк, дифтерия сияқты бактериялармен қосарласа дамуы мүмкін. Бұл әлбетте ауыр болады», - деді маман.

Дәрігер халықты өзін-өзі емдеп, алдын ала антибиотик, дәрі қолданудан бас тартуға шақырды.

«Иммундік стимуляция, модуляция, антибиотикалық терапия – емнің барлық осы түрлері зертханалық диагностикалау арқылы және дәрігердің бақылауымен жүргізілуі тиіс. Өзін өзі емдеу арқылы ауырғаннан да көп қиындыққа ұшырау әбден мүмкін. Өз ағзаңызды дәрілермен толтырып, осы препараттарға микробтар үшін жағдай жасаудың қажеті жоқ. Өйткені кейін ауырған кезде бұл препараттардың әсері болмайды», - деп атап өтті ол.

Сонымен бірге, Раушан Тьесова-Бердалина жұқтырудан сақтануда жеке қорғанысты қамтамасыз ету мақсатында масканы дұрыс тағуға кеңес береді.

«Маска толықтай ауыз бен мұрынды жауып тұруы керек. Ылғалды және дымқыл масканы жаңасына, құрғағына ауыстыру керек және бірреттік масканы қайталап қолдануға болмайды. Масканы шешер кезде, оның беткі жағына қол тигізбеуге тырысыңыз. Қолыңызды сабынмен және спирттік құралмен мұқият жуыңыз», - деді маман.

Қазіргі күз-қыс маусымында жеке гигиенаны, әлеуметтік қашықтықты сақтау, ең бастысы - маусымға қарай киініп, мүмкіндігінше суық тигізбей, жүйелі және сапалы тамақтануға кеңес беріледі.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT