+7 (701) 759 90 19 Лента
USD 385.16 EUR 425.95
RUB 6.01 CNY 54.51
Jańalyqtar

Іле-Балқаш резерватындағы бұғыларға GPRS баулар тағылды

2019 жылғы 5 қыркүйек 20:45
Бөлісіңіз:
Іле-Балқаш резерватындағы бұғыларға GPRS баулар тағылды

ТАЛДЫҚОРҒАН. ҚазАқпарат - Алматы облысы аумағындағы Іле-Балқаш мемлекеттік табиғи резерватында жүрген бұғылардың мойнына GPRS баулар тағылды. Бұл баулар бұғылардың қозғалысын бақылып, олардың жағдайын білуге мүмкіндік береді, деп хабарлайды ҚазАқпарат тілшісі.

Іле-Балқаш мемлекеттік табиғи резерваты өткен жылдың маусым айында ашылған болатын. Мұндағы мақсат дәл осы аумақта кезінде мекен етіп, жойылып кеткен жолбарыстардың популяциясын жандандыру. 400 мың гектардан астам жер ерекше қорғалатын аумаққа айналып, жолбарыстарды 2025 жылы жіберу жоспарланып отыр. Ал оған дейін жыртқыштың азықтық қорын қамтамасыз ету керек. Сондықтан түрлі шөпқоректі жануарлардың санын көбейту жұмыстары басталып кетті. Алғашқы болып мұнда былтыр Тоғай бұғылары әкелінді. Қазір олардың ұрғашыларына арнайы баулар тағылып, қозғалысы бақылауға алынды.

«GPRS баулар «WWF» - Бүкіләлемдік жабайы табиғат қорының Қазақстанға жолбарысты қайтару бағдарламасы аясында алынды. Мойын баулардан келіп түскен мәліметтерді резерваттың ғылыми бөлімі сараптайтын болады. Мәселен, бұғылардың резерват аумағындағы қозғалысы, белгілі бір мекенде қанша уақыт аялдауы бақыланады, тіпті марал өліп қалған жағдайда да ақпарат алуға болады», - дейді резерваттың бөлім басшысы Лина Вальдшмит.


Сондай-ақ, оның айтуынша, бұл баулардың қуаты 2 жылға жетеді.

«Оларды қауіпсіздік мақсатында тек ұрғашы жануарларға тағуға болады. Жас төлдің өсетінін ескерсек, бау оларды тұншықтыруы мүмкін. Ал еркек бұғылар өте белсенбі болғандықтан, мүйізімен іліп кетіп, өзін жарақаттап, қондырғыны бұзып тастауы мүмкін», - деп ойын толықтырды Лина Вальдшмит.




Біздің каналымызға жазылыңыз:

Басты сөздер: Экология, Алматы облысы,
Бөлісіңіз:

Автор:

Самал Қабышева

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT