Іле Алатау паркі Александр Винокуровтың бастамасын қолдады
Парк басшылығы Фейсбуктегі парақшасында қалалықтарды табиғат аясында тазалық сақтауға шақырды.
«Сіздерден тауға демалуға келген кезде тұрмыстық қалдықтарды қалдырмауды сұраймыз. Өкінішке орай, таудағы тазалық - біздің басты проблемаларымыздың бірі. Осы түйткілді мәселені шешу үшін парк басшылығы қолынан келгенді жасап жатыр. Бүгінде Алмаарасанда 3 техникалық жұмысшы және 13 орманшы тазалық үшін жауапты. Ал парктің территориясы 26 692 гектар екенін ескерсек, әр жұмысшы 1 670 га аймақтың тазалығын бақылауы керек. Бұл өте қиын жұмыс. Сондықтан тазалықты кез-келген азамат сақтаса жақсы болар еді», - делінген жазбада.
Парк басшылығы кадр тапшылығын жою мәселесін бірнеше рет көтеріп келген.
«Бірақ, жалақысы аз жұмысқа екінің бірі келісе бермейді. Аталған аймақтан қоқыс шығаруға 2 техника жұмылдырылған. Қоқыс жазда - күніне 2 рет, қыста аптасына 3 рет шығарылады», - деді парк басшылығы.
Айта кету керек, Олимпиада чемпионы Александр Винокуров Үлкен Алматы көліндегі қоқысты жинап, қалалықтарға үлгі көрсеткен болатын