Қолданушы баптаулары
Қолданушы баптаулары
+7 (701) 759 90 19 Лента
USD 383.43 EUR 429.83
RUB 5.96 CNY 55.39
Jańalyqtar

ІІМ мал ұрлығына қатысты арнайы бап енгізуді ұсынды

2019 жылғы 24 мамыр 10:49 772
Бөлісіңіз:
ІІМ мал ұрлығына қатысты арнайы бап енгізуді ұсынды

НҰР-СҰЛТАН. ҚазАқпарат - ҚР Ішкі істер министрлігі Қылмыстық кодекске мал ұрлығына қатысты арнайы бап енгізу туралы бастама көтерді, деп хабарлайды ҚазАқпарат министрліктің баспасөз қызметіне сілтеме жасап.

Ұқсас жаңалықтар
Алматы облысында полицейлер жоғалған 26 жылқыны тауып берді Қарағандыда 40-тан астам жылқы мен сиыр ұрлаған қылмыскерлер ұсталды

ІІМ мәліметінше, мамыр айының басынан бері мал ұрлығымен айналысқан 30 топ ұсталған.

«Бұл тек қана полиция емес, басқа да мемлекеттік және жергілікті атқарушы органдардың күш салуын талап етеді. Соның ішінде мал ұрлығының салдары орасан, ол ауыл кәсіпкерлігіне және азаматтарға айтарлықтай шығын келтіреді. Соңғы үш жылда 19 мыңнан астам мал ұрлығы жасалған. 60 мың мал қолды болды. Қожайындарына 30 мыңнан астам мал қайтарылды», делінген хабарламада.

Министрліктің мәліметінше, полицияның алдын алу, ұйымдастыру және практикалық іс-шаралары бұл қылмыстың түрін түбегейлі жоюға жеткіліксіз көрінеді.

«Ауыл тұрғындары үшін ауыр тиетін мал ұрлығына жазаны күшейту мақсатында ІІМ Қылмыстық Кодекске осы қылмыс түріне арнайы бап енгізу туралы бастама көтерді. Аталмыш заң жобасы таяуда Парламент қарауына енгізіледі. Қазір ІІМ ұсынысы ауыл шаруашылығы малдарын жаю тәртібін бұзушылыққа байланысты әкімшілік жауапкершілік енгізу бойынша қаралуда. Оны әзірлеу жергілікті атқарушы органдарға жүктелген», делінген хабарламада.

Айта кетерлігі, мамыр айында «Мал ұрлығы» операциясының кезекті кезеңі өткізілген. Шара кезінде полиция қызметкерлері шаруашылықтар, мал жайылымдары және фермалар, автокөлікпен мал тасушылар тексеріліп, мал сату, сатып алу, ет өнімдерін сату нүктелері қадағалауға алынған.

Операция барысында 159 мал ұрлығы, соның ішінде бұған дейінгі жылдардағы 57 ұрлық ашылған. Бұған қоса, 483 тұрғынға малы и қайтарылған (180 жылқы, 103 сиыр және 200 ұсақ мал). Мал ұрлығы үшін 214 адам және 30 қылмыстық топ құрықталды.

Сонымен бірге, ветеринария саласында 400-дей құқық бұзушылық, соның ішінде мал тасымалдау және ет өнімдерін сатуды тиісті құжаттарсыз іске асырғандар анықталды. 

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
MURAǴAT