+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

ІІМ еліміз бойынша азаматтарды онлайн қабылдауды ұйымдастырды

2020 жылғы 26 қараша 19:00
Бөлісіңіз:
ІІМ еліміз бойынша азаматтарды онлайн қабылдауды ұйымдастырды

НҰР-СҰЛТАН. ҚазАқпарат - Ішкі істер министрі Ерлан Тұрғымбаевтың басшылығымен барлық өңірлік бөлімдерде азаматтарды қабылдау жүргізілді. Бұл туралы ҚазАқпарат ІІМ сілтеме жасап хабарлайды.

Аталған іс-шара ел тұрғындары тап болған мәселелерді шешуге және ішкі істер органдарының қызметі бойынша тұрғындарға әртүрлі кеңестер беруге бағытталған.

«Азаматтардың қауіпсіздігіне, олардың заңды құқықтары мен мүдделерін қорғауға байланысты проблемалық мәселелер барлық деңгейлерде шұғыл шешуді талап етеді. Бұл бағыттағы жұмыстар жалғасуда. Эпидемиологиялық жағдайды ескере отырып, біз заманауи технологияларды пайдалану арқылы ведомствоның барлық басшылығы және оның аумақтық бөлімшелерінің, оның ішінде аудандық полиция бөлімдері мен ҚАЖ мекемелері басшыларының қатысуымен онлайн режимде азаматтарды қабылдауды жүргізуді бастадық», - деп атап өтті Ерлан Тұрғымбаев.

Тіркелушілердің бәрін қабылдап үлгеру үшін министрмен бірге оның орынбасарлары және ІІМ-нің өңірлік құрылымдардың басшылары да қабылдау жүргізді. Жалпы алғанда, Министрлік басшылығы бірнеше сағат ішінде 70-ке жуық адамды қабылдады.

Келіп түскен барлық өтініштерге байланысты Ерлан Тұрғымбаев тиісті қызмет басшыларына нақты тапсырмалар берді. Қосымша зерттеуді қажет ететін материалдарды министр жеке бақылауға алды. Бұл материалдар бойынша тиісті ден қою шаралары қабылданып, тексерулер жүргізілетін болады.

«Министрлік «халықпен кері байланыс» орнату бойынша барлық шараларды қабылдауда. Сонымен қатар, қабылдауға жазылғандардың саны жергілікті жерлердегі халықтың барлық проблемалары құқықтық шешімін таппай отырғанын көрсетеді. Мемлекет басшысының Жолдауда айтылған тапсырмасын орындау аясында және «Халық үніне құлақ асатын мемлекет» тұжырымдамасы іске асыру барысында бірде-бір өтініш пен арыз назардан тыс қалмауға және ден қойылуға тиіс. Бүгін біз тұрғындардан келіп түскен өтініштер мен арыздарды қарау бойынша жұмысын саралаймыз, бұл бағытта біздің бөлімшелердің басшыларына тиісті баға берілетін болады», - деп нақтылады ІІМ басшысы.

Азаматтарды қабылдау өңірлерде де өтуде. Облыстық, қалалық және аудандық аумақтық полиция органдары мен қылмыстық-атқару жүйесінің басшылары және олардың орынбасарларына 500-ден астам адам жазылды.

Азаматтарды осындай форматта қабылдау үнемі жүргізілетін болады


Біздің каналымызға жазылыңыз:

Бөлісіңіз:

Автор:

Балнұр Қожагелді

Пікір қалдыру
+7
Жіберу
ONLAIN QYZMETKERLER
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT