ІІІ Чарльз алғашқы мемлекеттік сапарын Германияға жасайды

ЛОНДОН. ҚазАқпарат - Бүгін ІІІ Чарльз Ұлыбритания монархы ретінде Германияға алғашқы шетелдік сапарын жасайды, деп хабарлайды ҚазАқпарат BBC News-ке сілтеме жасап.

Ұлыбританияның жаңа королі баратын бірінші ел Франция болады деп жоспарланған болатын, бірақ Парижде қазір зейнетақы реформасына қарсы жаппай наразылық жүріп жатқандықтан сапарды кейінге қалдыруға тура келді.

Президент Макрон қазіргі кезде ІІІ Чарльзді Версальда қабылдай алмайды, өйткені сарай қақпасының сыртында наразылық білдірушілер көптеп жиналған.

Осылайша, қысқартылған сапар жоспарланғаннан бірнеше күн кеш басталады: ІII Чарльз король мен патшайым Камилла Берлинге үш күндік сапармен келеді.

Негізгі мақсат өзгеріссіз қалады. Жаңадан тағайындалған монархтың алғашқы мемлекеттік сапары символдық мәнге ие және бұл Еуропаның Ұлыбритания үшін дипломатиялық басымдық екенін көрсетуге арналған.

«Сапардың айқын себебі бар – Brexit-тен кейінгі қарым-қатынастарды жақсарту», - деді жетекші сарапшы және тарихшы сэр Вернон Богданор.

Бұл - британдық монархтың сегіз жылдағы алғашқы мемлекеттік сапары.

Ол Brexit-тің Солтүстік Ирландия бойынша келісімі жарияланған кезде король мен Еуропалық комиссия төрайымы Урсула фон дер Ляйеннің кездесуінен кейін болады.

ІІІ Чарльз Германия парламенті Бундестагта сөз сөйлейтін алғашқы британдық монарх болады.

Ұлыбритания монархының Германиядағы алғашқы кездесуі өтетін Бранденбург қақпасында оған әскери құрмет көрсетіліп, салтанатты жиын өтеді.

Гамбургте король соғыс кезінде одақтастардың қаланы бомбалауын еске түсіретін қираған шіркеу - Әулие Николай мемориалына барады.

Марқұм патшайым ІІ Елизавета тұсында өз алдына тарихи мәртебеге ие болған мемлекеттік сапарлар болды.

Мысалы, 1961 жылы тәуелсіздік алғаннан кейін Үндістанға алғашқы сапар, 1995 жылы апартеидтен кейін Оңтүстік Африкаға және Оңтүстік Африкаға сапар, 2011 жылы Ирландияға сапар жасалды.