II Елизавета патшайымның зайыбы 97 жастағы Филипп жол апатына ұшырады

АСТАНА. ҚазАқпарат - II Елизавета патшайымның зайыбы Филипп жол апатына ұшырады, деп хабарлайды ВВС Букингем сарайына сілтеме жасап.

Абырой болғанда, 97 жастағы Эдинбург герцогы Норфолк графтығындағы Сандрингес корольдігіне жақын маңда болған оқиғадан зардап шекпеген.

Букингем сарайы хабарлағандай, апат орнында тағы бір көлік болған. Полиция тексеру жұмыстарын жүргізіп жатыр.

Филипп Range Rover көлігін өзі тізгіндеген. Келеңсіз жағдай А149 тасжолына шығар кезде болған.

Куәгерлердің айтуынша, апат салдарынан герцогтың көлігі аударылып кеткен.