+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Игорь Сон Олимпиада сыйақысын науқас інісін емдетуге жұмсайды

2021 жылғы 30 шілде 20:30
Бөлісіңіз:
Игорь Сон Олимпиада сыйақысын науқас інісін емдетуге жұмсайды

НҰР-СҰЛТАН. ҚазАқпарат – Қазақстандық зілтемірші, Токио Олимпиадасының қола жүлде иегері Игорь Сон жеңіске жеткені үшін берілетін сыйақыны қайда жұмсайтынын айтты, деп хабарлайды ҚазАқпарат тілшісі.

Ұқсас жаңалықтар
ШҚО-да Илья Ильин атындағы ауыр атлетика мектебін ашу жоспарланып отыр

«Менің кіші інім мүгедек, оған БЦП (балалардың церебральды параличі) диагнозы қойылған. Ата-анам ініммен бірге емделуге кетті, қазіргі сәтте олар Кореяда. Менің қазіргі бар ойым - інімді аяғына тік тұрғызу. Содан артылған ақшаға өмір сүретін боламын», - деді Олимпиада жеңімпазы И. Сон ОКҚ-де онлайн өткен баспасөз мәслихатында.

Бұған дейін Қазақстандық ауыр атлет, Токиодағы XXXII жазғы Олимпиада ойындарының қола жүлдегері Игорь Сон жеңістен кейінгі әсерін бөлісті.

«Дайындықты одан әрі жалғастырамын. Ендігі Олимпиадада алтын медаль үшін таласқа түсемін деген ой бар», - деген еді ол.

Айта кетейік, Токиодағы Олимпиада ойындарында қазақстандық зілтемірші Игорь Сон қола медаль жеңіп алды.

Еске сала кетсек, бұған дейін еліміздің Мәдениет және спорт министрі Ақтоты Райымқұлова Токиодағы Олимпиада ойындарында жеңімпаз атанатын спортшыларды қандай сыйақы күтіп тұрғанын айтты.

Атап айтқанда, бірінші орынға - спортшы мен бапкерге 250 мың АҚШ доллары беріледі, екінші орынға - 150 мың доллар және үшінші орын иегеріне - 75 мың доллар көлемде сыйақы беріледі.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT