Игорь Рогов Президент жанындағы Адам құқықтары жөнiндегi комиссия құрамына енгізілді

НҰР-СҰЛТАН. ҚазАқпарат - Игорь Рогов Қазақстан Республикасы Президентiнiң жанындағы Адам құқықтары жөнiндегi комиссия құрамына енгізілді, деп хабарлайды ҚазАқпарат Ақорданың баспасөз қызметіне сілтеме жасап.

Мемлекет басшысының Жарлығымен «Қазақстан Республикасы Президентiнiң жанындағы Адам құқықтары жөнiндегi комиссия туралы» Қазақстан Республикасы Президентінің 2003 жылғы 19 наурыздағы № 1042 Жарлығына өзгерістер енгізілді.

ҚР Тұңғыш Президенті – Елбасы Қорының атқарушы директорының орынбасары, комиссияның төрағасы (келісім бойынша) Игорь Рогов жоғарыда аталған Жарлықпен бекітілген Қазақстан Республикасы Президентiнің жанындағы Адам құқықтары жөніндегi комиссияның құрамына енгізілді. А талған комиссияның құрамынан Қ.С. Мусин шығарылды.