+7 (701) 759 90 19
USD 389.94 EUR 433.50
RUB 6.10 CNY 55.13
Jańalyqtar

Хоккейден қысқы Олимпиадаға іріктеу кезеңі Қазақстанда өтеді

2019 жылғы 25 мамыр 04:46
Бөлісіңіз:
Хоккейден қысқы Олимпиадаға іріктеу кезеңі Қазақстанда өтеді

НҰР-СҰЛТАН. ҚазАқпарат - Халықаралық хоккей федерациясы (IIHF) 2022 жылғы қысқы Олимпиадада шайбалы хоккейден іріктеу кезеңінің жүйесін жариялады, деп хабарлайды ҚазАқпарат тілшісі.

Қысқы Олимпиадада шайбалы хоккейден 12 құрама сынға түседі. IIHF рейтингінде жоғары көрсеткіштегі сегіз құрама дүбірлі додаға тікелей жолдама алады. Олардың қатарында Канада, Ресей, Швеция, Финляндия, Чехия, АҚШ, Германия мен Швейцария құрамалары бар. Ал бір жолдама Олимпиаданы өткізетін мемлекет ретінде Қытайға бұйырады. Айта кетерлігі, қытайлық хоккейшілер аталмыш бәсекеде тұңғыш мәрте бақ сынайды. Тағы үш жолдама іріктеу кезеңінде жеңімпаз атанған құрамаларға беріледі.

Біздің Қазақстан хоккейшілері жарысты үшінші іріктеу кезеңінен бастайды. Ол бәсеке еліміздің астанасы - Нұр-Сұлтан қаласында өткізіледі деп жоспарланып отыр. Іріктеу кезеңі 2020 жылдың 6-9 ақпан күндері «Барыс-аренада» болады. Біздің хоккейшілердің қарсыластары - Польша, Украина және екінші кезеңінен үздік шыққан бір құрама. Бұл топтан бір құрама ғана жарыстың келесі сатысына шығады.

Іріктеу сатысының финалдық кезеңі 7-30 тамыз күндері Словакия, Латвия және Норвегияда болады. Айта кетерлігі, Олимпиадаға берілетін үш жолдамаға барлығы 46 құрама таласады.

Қазақстан хоккейшілері қысқы Олимпиада ойындарында екі мәрте бақ сынады. 1998 жылы 1/4 финалға дейін жетсе, 2006 жылы тоғызыншы орын алды.

Қысқы Олимпиада ойындары Қытай астанасы - Бейжің қаласында өткізіледі. Ол 2022 жылдың 4-20 ақпан күндері болады.

Бұдан бұрын Қазақстан шайбалы хоккейден әлем чемпионаты топ-дивизион ойындарын өткізуі мүмкін екенін хабарлаған едік.

Біздің каналымызға жазылыңыз:

Басты сөздер: Спорт,
Бөлісіңіз:

Автор:

Әділжан Үмбет

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT