Хоккейден Әлем чемпионатында ойнайтын Қазақстан құрамасы анықталды
«Барыс» хоккей клубынан түскен мәліметке қарағанда, түпкілікті тізімге барлығы 23 хоккейші кірді.
Олардың үшеуі - қақпашы, жетеуі - қорғаушы, 13 - шабуылшы.
Андрей Скабелка жаттықтыратын құраманың басым көпшілігі, яғни 16 ойыншы «Барыстан» алынды.
Сонымен, ел құрамасы мынадай:
Қақпашылар: Хенрик Карлссон, Сергей Кудрявцев (екеуі де - «Барыс»), Артём Микушин («Бейбарыс»).
Қорғаушылар: Леонид Метальников («Сарыарқа»), Алексей Маклюков, Даррен Диц, Валерий Орехов, Егор Шалапов, Максим Семёнов, Никита Клещенко (бәрі де - «Барыс»).
Шабуылшылар: Мартен Сен-Пьер («Куньлунь»), Антон Некряч («Бейбарыс»), Талғат Жайлауов, Аркадий Шестаков, Евгений Рымарев (бәрі де - «Торпедо»), Никита Михайлис, Брэндон Боченски, Дастин Бойд, Дмитрий Шевченко, Антон Сагадеев, Павел Акользин, Егор Петухов, Әлихан Әсетов (бәрі де - «Барыс»).
«Барыс Аренада» өтетін Қазақстан ойындарының әлем чемпионатындағы кестесі:
29 сәуір, 20.00.Словения - Қазақстан,
1 мамыр, 16.30. Қазақстан - Литва,
2 мамыр, 19.30. Оңтүстік Корея - Қазақстан,
4 мамыр, 17.30. Қазақстан - Беларусь,
5 мамыр, 19.30. Қазақстан - Венгрия.
Осылардың ішінде екі үздік команда элиталық біріншілікке жолдама алады.
Еске сала кетейік, бұдан бұрын Әлем чемпионатының матчтарын «QAZSPORT» телеарнасы тікелей эфирден көрсететінін жазған болатынбыз.