Хоккей: Қазақстан - Германия матчын қайдан көруге болады

НҰР-СҰЛТАН. ҚазАқпарат – Хоккейден жастар арасындағы әлем чемпионатының жұбаныш матчында Қазақстан құрамасы Германия командасына қарсы ойнайды, деп хабарлайды ҚазАқпарат.

Екінші ойын бүгін, Нұр-Сұлтан уақыты бойынша 16:00-де басталады. Оны Qazsport телеарнасынан тікелей эфирде көруге болады.

Кездесу Остравадағы 10 004 адамдық «Остравар-Арена» стадионында өтеді.

Естеріңізге сала кетейік, командалардың бірінші ойынында немістер 4:0 есебімен жеңіске жеткен болатын. Егер бүгінгі ойында олар тағы да жеңіс тұғырынан көрінсе, Қазақстан ТОП-дивизионнан шығады.