Хоккей: Қазақстан алғашқы кезеңде Словениядан басым түсті
Дәл қазір Қазақстан мен Словения құрамалары арасындағы кездесудің бірінші кезеңі мәресіне жетті. Бірінші кезеңде Қазақстан хоккейшілері қарсылас құрама қақпасына үш шайба соғып үлгерді. Алдымен 3-минутта Никита Михайлис мергендік танытса, одан кейін 9-минутта Антон Некряч есепті үстемелей түсті. Ал 16-минутта Никита Михайлис тағы бір соғылған шайбаның авторы атанды.
Қазақстан құрамасы ертең 1 мамырда Литвамен, 2 мамырда Оңтүстік Кореямен шеберлік байқасса, 4 мамырда Беларусьпен, 5 мамырда Венгриямен мұз айдынға шығады.
Аталмыш топта бүгін екі ойын аяқталды. Оңтүстік Корея Венгрияны 5:1 есебімен тізе бүктірсе, Беларусь Литвадан 4:3 есебімен басым түсті.
Аталмыш топта бірінші орын алған құрама келер жылы топ-дивизионда ойын көрсетуге мүмкіндік алады.