Хиллари Клинтон Трамптың инаугурациясына дәстүрді сыйлағандықтан қатысқанын айтты

  АСТАНА. ҚазАқпарат - АҚШ-тың бұрынғы Мемлекеттік хатшысы Хиллари Клинтон былтырғы президенттік науқан туралы мемуарларының шығуына байланысты сұхбат берді. Телесұхбатта  Президенттік сайлау туралы өз көзқарастарымен бөлісті. Кітап "What Happened?" («Не жағдай болды?») деп аталады. Бұл туралы  «Свобода» радиосы хабарлайды.

Клинтон Трамптың инаугурация рәсімінде дәстүрді сыйлайтындықтан қатысқанын жеткізді. Сондай-ақ, ол жаңа президенттің инаугурациялық сөзін ақ расистерге үндеу ретінде сипаттады.

2016 жылы сайлауда Демократиялық партияның үміткері болған Хиллари Клинтон президенттікке қайта сайлауға түсуге ниетті емес екендігін мәлімдеді. Бірақ бұл оның саясаттан кететіндігін білдірмейді.